Qeveria e Albin Kurtit ndan 433 mijë euro për dëmet nga erërat në Pejë e Istog

Qeveria e Kosovës ka ndarë rreth 433 mijë euro për riparimin e shkollave dhe çerdheve të dëmtuara nga erërat në komunat e Pejës dhe Istogut.

Në mbledhjen e sotme, Qeveria ka aprovuar kërkesën e Ministrisë së Arsimit, Shkencës dhe Kulturës, për mbështetjen financiare për evitimin e dëmeve në shkolla dhe institucione të edukimit parashkollor, të shkaktuara nga erërat e forta në komunën e Pejës dhe Istogut, ka njoftuar ministrja Hykmete Bajrami.

Sipas ministres, për renovimin e shkollave të dëmtuara të Pejës ka ndarë afro 300 mijë euro, ndërsa për ato të komunës së Istogut 136 mijë euro.

Ministrja ka thënë se nga mjetet e ndara nga Qeveria do të përfitojnë këto shkolla e çerdhe të komunës së Pejës:

  1. Kopshti “Pëllumbat e Paqës”;
  2. Gjimnazi “Bedri Pejani”;
  3. Shkolla ekonomike “Ali Hadri”;
  4. Shkolla fillore “7 Shtatori”;
  5. Shkolla fillore “Lidhja e Pejës”, Novosellë;
  6. Shkolla fillore “Skenderbeu”, Treboviç;
  7. Shkolla gillore “Sami Frasheri”, Ozdrim dhe

2 Sera në kuadër të shkollës Ekonomike “Ali Hadri”.

Kurse, në komunën e Istogut do të përfitojnë këto shkolla dhe çerdhe:

  1. Shkolla “Bajram Curri”
  2. Paralele, Muzhevinë;
  3. Paralele, Cerrcë:
  4. Shkolla Fillore “Hysni Zajmi”, Vrellë;
  5. Shkolla Fillore “Hysni Zajmi” Prigodë;
  6. Gjimnazi “Haxhi Zeka”, Istog;
  7. Shkolla “Mehmet Akif”, Shushicë;
  8. Shkolla Fillore e Mesme e Ulët Kaliqan;
  9. Shkolla Fillore e Mesme e Ulët F.S. Noli;
  10. Kopshti “Gëzimi Ynë”, Istog;
  11. “Pëllumbat e Ardhmërisë”, Rakosh;
  12. Lulet e Jetës, Vrellë.