Ilustrim
Punëtori i pompës së benzinës inskenoi grabitjen
26.5.2020 - 12:23
Policia ka njoftuar se një punëtor i një pike të karburanteve në Vushtrri në bashkëpunim me dy persona ka inskenuar rastin e sulmit ndaj një punëtori të pompës, ku nën kërcënimin e një mjeti të mprehtë i janë grabitur një sasi e të hollave.
Rasti ka ndodhur me 25 maj rreth orës 01:15, në Vushtrri.
Është arritur identifikimi i të dyshuarve, ku është gjetur dhe konfiskuar 405 euro dhe një thikë, e përdorur në rast si dhe janë arrestuar tre të dyshuarit meshkuj kosovarë.
Me vendim të prokurorit, të dyshuarit janë liruar në procedurë të rregullt.