Publikohet përmbledhja me poezi ‘Qoshet ku fola me veten’

Ditë më parë ka dalë nga shtypi përmbledhja me poezi ‘Qoshet ku fola me veten’ e shkrimtarit Blerim Rrecaj.

Libri është botuar nga Shtëpia Botuese “Armagedoni” në Prishtinë.

“Qoshet ku fola me veten” është libri i dytë me poezi i Rrecajt.

Transformimet sociale që po përjeton vendi, pandemia, thashethemet, rrëfimet interesante që i gjejmë nëpër kafene, rrëshqitja drejt vetmisë, i gjejmë në vargjet e poezive të përmbledhjes, “Qoshet ku fola me veten”.

Për poetin Bekim Muhaxheri poezitë e Rrecajt nga kjo përmbledhje janë copëza drite ndonëse nën kërcënimin e errësirës.

Një vit më parë Rrecaj pati botuar librin me skica dhe poezi “Gjurmë kujtimesh e ngjyra stinësh”.