Protesta e paralajmëruar nga serbët, bllokohet rruga për Graçanicë (FOTO)
Serbët kanë paralajmëruar protestë në Graçanicë, Shtërpcë dhe në veri të Mitrovicës.
Policia e ka bllokuar rrrugën për në Graçanicë.
KALLXO.com ka siguruar disa fotografi. Në pamje shihet se patrulla e policisë po orienton automjetet.
Në anë tjetër, qytetarët serbë kanë filluar të mblidhen në sheshin kryesor të Mitrovicës Veriore, në një protestë e cila është paralajmëruar të mbahet sot.
Deri më tani nuk ka ndonjë informacion zyrtar se kush janë organizatorë të protestës.
Protesta gjithashtu janë paralajmëruar edhe Shtërpcë.
Gjatë ditës së sotme automjete të shumta të policisë janë parë që janë nisur drejtë zonës së Mitrovicës.
Për këtë çështje, Policia e Kosovës ka thënë se lëvizjet në disa zona në Kosovë janë të zakonshme dhe se nuk lidhen me ndonjë aktivitet të caktuar.
Më 3 prill 2022, Serbia mban zgjedhjet presidenciale dhe parlamentare. Zyrtarët e lartë serbë kërkuan që ato të organizohen edhe brenda territorit të Kosovës.
Por me këtë nuk u pajtuan krerët e institucioneve kosovare. Kryeministri, Albin Kurti, tha se për këtë duhet të ketë një marrëveshje mes dy vendeve.
Ndërkohë, Bashkimi Evropian njoftoi se shteti i Kosovës ka refuzuar një propozim të vendeve të QUNIT-it.
Para zgjedhjeve në Serbi, presidenti Vuçiq ka thirrur një mbledhje të Këshillit Kombëtar të Sigurisë.
Pesë eprorë të Policisë së Kosovës në veri të vendit, janë parë në takimin e thirrur nga presidenti i Serbisë, Aleksandar Vuçiq, pas përfundimit të mbledhjes së Këshillit Kombëtar të Sigurisë.
