Prokuroria Speciale do të kërkojë paraburgim për Ikballe Huduti-Berishën
Prokuroria Speciale e Kosovës do të kërkojë masën e paraburgimit për 30 ditë ndaj Ikballe Huduti- Berishës gjatë ditës së sotme.
Lajmin për KALLXO.com e ka konfirmuar, Kryeprokurori i Prokurorisë Speciale, Blerim Isufaj.
“Po do të kërkohet masa e paraburgimit për 30 ditë. Gjatë ditës së sotme do të bëhet kërkesa”, tha Isufaj për KALLXO.com.
E dyshuar për shtytje në kryerjen e veprave penale terroriste, Ikballe Huduti-Berisha është arrestuar gjatë ditë së djeshme nga Policia e Kosovës.
E njëjta ishte arrestuar pas disa deklaratave të publikuara në llogarinë e saj personale në Facebook, kundër vrasjes së gjeneralit iranian, Qasem Soleiman.
Arrestimin e Hudutit e ka bërë Drejtoria Kundër Terrorizmit, në bashkëpunim me Prokurorinë Speciale.
Kjo e fundit gjatë ditës së sotme do të kërkoj masën e paraburgimi
Madje policia në raportin ditor ka treguar edhe se çka u gjet gjatë bastisjes së shtëpisë së të dyshuarës.
Policia ka përmendur se ka gjetur e konfiskuar pajisje elektronike duke shtuar se kanë gjetur edhe dëshmi të tjera relevante pa theksuar se çfarë dëshmish janë ato.
Huduti- Berisha pas arrestimit është dërguar në mbajtje.
Policia tregon se çka u gjet gjatë bastisjes së shtëpisë së Ikballe Huduti-Berisha