Ilustrim
Prokuroria jep detaje për aksionin e sotëm antikorrupsion në Pejë, Klinë dhe Istog - FOTO
Prokuroria e Pejës ka njoftuar se ka ndërmarrë një aksion të gjerë në tri komuna, në Pejë, Istog dhe Klinë.
Ky aksion siç ka njoftuar Prokuroria ka të bëjë me gjetjen e provave për dyshimet rreth keqpërdorimit ët detyrës zyrtare dhe se ka të bëjë me ndërtime pa leje.
Në këtë aksion njoftohet janë të angazhuar pesë prokurorë dhe vet kryeprokurori i Pejës, Agim Kurmehaj, në koordinim me Njësitin e Krimeve Ekonomike dhe Korrupsionit në Prishtinë.
“Prokuroria e Pejës, njofton opinioni publik se, pas ndërmarrjes së veprimeve hetimore dhe urdhëresës së gjyqtarit të procedurës paraprake, janë duke u kryer bastisje në tri komuna (Pejë, Klinë dhe Istog), me qëllim të gjetjes së provave për veprën penale “Keqpërdorim i pozitës apo autoritetit zyrtar” ndaj disa zyrtarëve komunal, lidhur me ndërtimet e paligjshme. Për këto veprime në teren janë angazhuar pesë prokurorë të shtetit nga Kryeprokurori i Prokurorisë Themelore në Pejë, në koordinim me Njësitin e Krimeve Ekonomike dhe Korrupsionit në Prishtinë”, bën të ditur Prokuroria e Pejës.
