Takimi i Këshillit Prokurorial të Kosovës – Foto: KPK

Prokurori Ardian Hajdaraj zgjedhet anëtar në Këshillin Prokurorial

Ardian Hajdaraj, Prokuror në Prokurorinë Themelore të Pejës sot është zgjedhur anëtar i Këshillit Prokurorial të Kosovës.

Kundërkandidate kishte prokuroren Sahide Gashi.

Në praninë e Komisionit zgjedhor të udhëhequr nga Agron Beka, anëtar i KPK-së nga radhët e fakulteteve juridike, procesi i votimit zgjati për  15  minuta ku votuan 20  prokurorë.

Në numërimin e votave morën pjesë 2 kundërkandidatët dhe Kryeprokurori Agim Kurmehaj.

Ardian Hajdaraj mori 18 vota ndërsa prokurorja Sahide Gashi mori  vetëm 1 votë.

1 votë u shpallë e pavleshme për shkak se ishin rrumbullaksuar 2 emra.

Ardian Hajdaraj do të jetë anëtar i KPK-së me një mandat 5 vjeçar pa të drejtë rizgjedhje.

Prokurori Hajdaraj në Agjeninë kundër Korrupsionit ka deklaruar pasuri të paluajtshme në vlerë prej 150 mijë euro.

I njejtëi ka deklaruar se vozit veturën e tipit “Toyta” në vlerë prej 12 mijë euro.

Hajdari nuk ka deklaruar asnjë para të kursyer në bankë ndërsa ka kredi në shumë prej 32 mijë e 300 euro.

Ndërsa pagë mujore ka deklaruar se merr 2 mijë e 30 euro e 9 cent.