Prizrenasi publikon video në TikTok duke gjuajtur me armë, arrestohet nga policia

Policia ka arrestuar një person pasi i njëjti kishte gjuajtur me armë në një aheng familjar.

Më pas, i dyshuari e kishte publikuar videon në rrjetin social TikTok nga ku edhe është identifikuar nga zyrtarët policorë.

Sipas policisë, nga kjo gjuajtje është shkaktuar rrezik të përgjithshëm

Policia ka sekuestruar një pistoletë (me gaz), të llojit Carl Walther Arnsberg.

Ky rast, sipas urdhrit të prokurorit është duke u hetuar në procedurë të rregullt.