Prizren, vdes një fëmijë pasi u godit nga një veturë derisa ishte me biçikletë

Një aksident me fatalitet ka ndodhur dje me 24.08.2024 në fshatin Korishe të Prizrenit, ku si pasojë ka vdekur një fëmijë, i cili është goditur nga një veturë derisa ishte me biçikletë.

Policia e Kosovës ka bërë të ditur se të përfishirë në aksident kanë qenë një automjet me targa vendore dhe një biçikletë me drejtues një fëmijë, i cili ka qenë i shoqëruar me një fëmijë tjetër në cilësinë e pasagjerit.

Si pasojë e aksidentit, të dy fëmijët kanë pësuar lëndime trupore.

Njëri prej tyre është hospitalizuar në rapartin Ortopedik në Prizren, ndërsa tjetri është trasnferuar në QKUK.

“Më datë 25.08.2024 ora 01:28 viktima e cila ka qenë në trajtim mjekësor në QKUK ka ndërruar jetë. Me vendim të prokurorit kujdestar, i dyshuari është dërguar në mbajtje, ndërsa trupi i pa jetë dërgohet në IML për autopsi” – thuhet në njoftimin e Policisë së Kosovës.