Prizren, një person gjendet i vdekur në shtëpinë e tij
19.1.2022 - 10:48
Policia e Kosovës njofton se një person i cili ishte duke jetuar vetëm në shtëpi në Prizren, ishte gjetur pa shenja jete nga i afërmi i tij.
Sipas Policisë në vendin e ngjarjes kanë dalë njësitë relevante të policisë dhe ekipi mjekësor, ku nga mjeku është konstatuar vdekja e viktimës.
Me urdhër të prokurorit trupi i pajetë i viktimës është dërguar në Institutin e Mjekësisë Ligjore për Obduksion, thuhet në raportin policor.
Rasti ka ndodhur dje rreth orës 19:00 dhe vazhdon të hetohet.