Prizren, ndalohet për 48 orë një 34-vjeçar që dyshohet se gjuajti me armë zjarri në fshatin Gjonaj

Policia në Prizren ka pranuar një informacion se në fshatin Gjonaj kishte pasur të shtëna me armë zjarri më 13.09.2024.

Policia ka lokalizuar vendin e ngjarjes dhe ka identifikuar të dyshuarin me inicialet S.L., 34-vjeçar, të cilin e kanë kontrolluar dhe i kanë konfiskuar një pistoletë.

“Gjatë kontrollit nga i dyshuari është konfiskuar një armë pistoletë e llojit BLOW TR 17” – thuhet në njoftimin e Policisë, më 14.09.2024.

Rasti është cilësuar si “Përdorim i armës apo mjetit të rrezikshëm” dhe ndaj të dyshuarit prokurori i shtetit ka lëshuar masën e ndalimit për 48 orë.