Prizren, arrestohet një person për posedim të narkotikëve

Policia e Kosovës ka njoftuar se dje me 04.08.2024 ka arrestuar një person në zonën e Marashit në Prizren, për posedim të narkotikëve.

Sipas njoftimit, gjatë kontrollit në veturën e të dyshuarit janë gjetur dhe sekuestruar 7.49 gramë substancë e dyshuar e llojit marihuanë.

Gjithashtu, gjatë kontrollit në banesën dhe punëtorinë e të dyshuarit janë gjetur dhe sekuestruar 7 qese plastike të zbrazëta që sipas Policisë, shërbejnë për paketimin e substancave narkotike.

Në cilësi të provave materiale nga i dyshuari janë sekuestruar edhe 1 mijë e 180 euro dhe një telefon.

Në konsultim me prokurorin i dyshuari pas intervistimit është liruar në procedurë të rregullt.