Prizren, arrestohet një person për fajde

Një person është arrestuar gjatë ditës së djeshme në Prizren, nën dyshimin për fajde.

Policia e Kosovës bën të ditur se pas një pune hetimore dhe aplikimit të masave të fshehta të hetimit, nga njësitë e hetuesisë është arrestuar një person, si i dyshuar për fajde.

Po ashtu, sipas Policisë së Kosovës, në cilësi të provave materiale janë sekuestruar edhe dy telefona mobil dhe disa dokumente.

I dyshuari pas intervistimit me vendim të prokurorit është dërguar në mbajtje.