Prishtinë, shiu shndërron në liqe rrugën e Gallakut
20.11.2019 - 15:36
Rrugën ‘Bajram Bahtiri’ e njohur si rruga e Gallakut në Prishtinë është vërshuar sot nga shiu.
Reshjet e sotme u kanë shkaktuar vështirësi banorëve për qarkullim.
“Gjithë është i njëjti problem kur ka shi, askush nuk ndërmerr masa”, thotë Festina Krasniqi, njëra nga banoret e asaj pjese.
Të shqetësuar janë edhe shoferët e autobusëve urban të cilët thonë se ky problem është i vazhdueshëm çdo herë kur ka shi.
Kjo rrugë lidhë kryeqytetin me fshatrat më të afërta si Llukar,Makofc e Grashticë.
KALLXO.com ka nisur pyetje në drejtim të Komunës së Prishtinës, mirëpo të njëjtit nuk janë përgjigjur deri në momentin e publikimit të këtij artikulli.