Prishtinë, një person sulmohet me armë zjarri

Një person në Prishtinë, më 14.08.2024 ka raportuar se derisa ka qenë me automjetin e tij, disa persona të panjohur me veturën e tyre në lëvizje kanë gjuajtur me armë zjarri në drejtim të tij.

Me këtë rast, raportohet se dy plumba e kanë qëlluar automjetin e tij.

Policia e Kosovës ka bërë të ditur se përveç dëmeve të shkaktuara, nuk ka të lënduar.

Në vendin e ngjarjes janë gjetur dhe konfiskuar katër gëzhoja, ndërsa rasti vazhdon në procedurë hetimore.