Prishtinë, në QKUK vdes një 40-vjeçar që u rrëzua derisa po rregullonte ndriçimin e një skene teatrale

Një person rreth 40-vjeç ka vdekur si pasojë e lëndimeve që ka marrë nga rrëzimi nga një lartësi 5-6 metra.

Viktima sipas Policisë ka qenë duke rregulluar ndriçimin në një skenë teatrale.

Lajmin e ka konfirmuar për KALLXO.com, zëdhënësi i Policisë së Rajonit të Prishtinës, Agron Borovci.

“Rreth orës 14:20 është marrë informata se një person, i gjinisë mashkullore, rreth 40-vjeç, deri sa ka qenë duke rregulluar ndriçimin në një skenë teatrale ka rënë nga një lartësi prej  5- 6 metrash. Nga QKUK bëhet me dije se i lënduari ka ndërruar jetë”, tha Borovci.

Policia ka dalë në vendin e ngjarjes dhe ka nisur hetimin për rastin.