Prishtinë, monitoruesit nuk lejohen në seanca gjyqësore

Sot, në gjykatën e Prishtinës monitoruesve të sistemit të drejtësisë nuk u është lejuar monitorimi i seancave gjyqësore.

Gjykatësi Beqir Kalludra, ndonëse sot ka në orar dy seanca, nuk pranoi të deklarojë për KALLXO.com se cilat seanca do të mbahen.

Arsyetimi i gjykatësit Kalludra ishte se asnjëri nga gjyqtarët nuk kanë pranuar vendim nga Këshilli Gjyqësor i Kosoves dhe as nga kryetarja e gjykatës.

Tutje Kalludra, tha se përderisa nuk ka ndonjë vendim që lejohet pjesëmarrja e monitoruesve në seanca ata nuk mund të hyjnë në objektin e Pallatit të Drejtësisë.

Ndërsa gjyqtarët e tjerë treguan se deri në javën e ardhshme nuk kanë të caktuar seanca për shkak të gjendjes së pandemisë.