Prishtinë, lëndohet një person nga aksidenti mes një automjeti dhe një motoçiklete
13.6.2022 - 20:37
Një person ka pësuar lëndime në një aksident trafiku mes një automjeti dhe një motoçiklete. Në këtë aksident ka mbetur i lënduar motoçiklisti, i cili është dërguar në QKUK për trajtim mjekësor.
Lajmin për KALLXO.com e ka bërë të ditur zëdhënësi i Policisë së Kosovës për rajonin e Prishtinës, Agron Borovci.
Aksidenti ka ndodhur rreth orës 19:30, në rrugën “Isa Kastrati” në Prishtinë.
“Bazuar në të dhënat fillestare nga vendi i ngjarjes, ndihmë mjekësore ka kërkuar motoçiklisti i cili është dërguar në QKUK për trajtimin e nevojshëm mjekësor. Njësia policore e trafikut ka dalë në vendin e ngjarjes dhe ka nisur një hetim lidhur me shkaqet që kanë sjellë deri te ky aksident”, ka thënë Borovci për KALLXO.com.