Prishtinë: Ia grabisin çantën derisa po e mbyllte lokalin
03.11.2019 - 12:26
Policia e Kosovës njofton se në Prishtinë, në rrugën “Nazim Gafurri”, mbrëmë rreth orës 22:15 një grua ka raportuar se derisa ishte duke mbyllur lokalin, një person i panjohur dhe i maskuar pasi e ka sulmuar fizikisht me kondak të armës i ka grabitur një çantë dore dhe është larguar në drejtim të panjohur.
Sipas Policisë viktima ka pranuar trajtim mjekësor në QKUK, për t’u liruar pastaj në shtëpi, ndërsa rasti është duke u hetuar nga njësitet kompetente policore.