Prishtinë, arrestohet në derë të diskotekës për shkak se prezantohet rrejshëm

Policia e Kosovës njoftoi të hënën se një person është shoqëruar në stacion policor pasi i njëjti në një klub nate është prezantuar si person zyrtar.

Sipas forcave të rendit, të njëjtit i është konfiskuar një kartelë ndërsa për rastin është iniciuar edhe procedurë e rregullt nga Prokurori i Shtetit.

“Raportohet se i dyshuari mashkull kosovar, tek sigurimi i një klubi nate, duke prezentuar një kartelë është prezentuar si person zyrtar. I dyshuari është shoqëruar në stacion policor  dhe nga i njëjti është sekuestruar një kartelë me të cilën dyshohet se është prezentuar si person zyrtar” – thuhet në njoftimin e forcave të rendit.