Prishtina rrënon shtëpinë gërmadhë në rrugën “ Ibrahim Lutfiu”
23.4.2020 - 14:58
Komuna e Prishtinës ka bërë rrënimin e shtëpisë gërmadhë në rr. “ Ibrahim Lutfiu”, për shkak se e njëjta sipas komunës paraqet rrezik për kalimtarët dhe banorët përreth.
“Pavarësisht se vëmendja dhe angazhimi kryesor është përballë pandemisë, detyra jonë është që t’i ruajmë qytetarët edhe nga rreziqet e tjera”, thuhet në njoftim.
Komuna nuk ka dhënë detaje tjera lidhur me pronësinë e shtëpisë së vjetër.