Prishtina prin me raste pozitive me coronavirus, për 24 orë 312 raste

Nga gjithsej 1 mijë e 794 mostra të dyshuara të cilat janë testuar për COVID-19, 730 kanë rezultuar pozitive.

Instituti Kombëtar i Shëndetit Publik në Kosovë ka njoftuar se Komuna e Prishtinë prin me numrin e të infektuarve me coronavirus. Gjithsej 312 raste janë regjistruar vetëm në Prishtinë.

Për nga numri i madh i të infektuarve në 24 orët e fundit me coronavirus është komuna Ferizaj me 73 raste, pastaj komuna Gjilan 48 raste, komuna Podujevë 39 raste, Prizren 33 raste, komuna Gjakovë 31 raste, komuna Pejë 26 raste, komuna Fushë Kosovë 21 raste, komuna Viti 15 raste, komuna Deçan 13 raste, komuna Mitrovicë 12 raste, komuna Lipjan 11 raste, komuna Shtime 11 raste, komuna Novobërdë 10 raste, komuna Skenderaj 10 raste, komuna komuna Vushtrri 9 raste, komuna Kamenicë 8 raste, komuna Klinë 8 raste, komuna Suharekë 7 raste, komuna Kaçanik 6 raste, komuna Obiliq 6 raste, komuna Rahovec 6 raste, komuna Drenas 5 raste, komuna Malishevë 5 raste, komuna Istog 3 raste dhe me nga një rast komunat Graçanicë dhe Hani i Elezit.

IKSHPK me anë të një njoftimi ka thënë se rastet e vdekjeve janë nga komunat : Kamenicë 2 raste (76 dhe 70 vjeç), Prishtinë 2 raste (78 dhe 71 vjeç), Vushtrri 2 raste (82 dhe 77 vjeç), Gjilan 1 rast (58 vjeç), Pejë 1 rast (62 vjeç), Prizren 1 rast (58 vjeç),  Rahovec 1 rast (66 vjeç) dhe Suharekë 1 rast (71 vjeç).

Numri total i rasteve pozitive është 24,155 raste nga 106,770 persona të dyshimtë në virusin SARS-CoV-2 dhe 755 raste të vdekjes.

Gjatë 24 orëve të fundit, janë shëruar 75 pacientë derisa numri i përgjithshëm i të shëruarve deri më sot është gjithsej 16,122 raste, kurse numri i rasteve aktive është 7,278.