Presidentja Vjosa Osmani takon kryeministrin britanik Rishi Sunak
Presidentja Vjosa Osmani ka takuar kryeministrin e Britanisë së Madhe, Rishi Sunak me të cilin ka e diskutuar për bashkëpunimin mes dy vendeve.
Në margjinat e samitit të liderëve të Komunitetit Politik Evropian, Osmani ka thënë se ia ka shprehur mirënjohjen kryeministrit Sunak për mbështetjen që vendi i tij e ka dhënë për Kosovën.
“Ne shprehim mirënjohjen tonë për mbështetjen e vazhdueshme të Mbretërisë së Bashkuar dhe angazhimin tonë të vazhdueshëm për të vazhduar përpjekjet tona të përbashkëta për paqen dhe sigurinë afatgjatë”- ka shkruar ajo në Twitter.
Together with Prime Minister @RishiSunak we discussed recent developments in the region and our strong cooperation with the UK.
Expressed our gratitude for UK’s enduring support and our continued commitment to continue our joint efforts for long-lasting peace and security. 🇽🇰🇬🇧 pic.twitter.com/1h3vpiWFB9
— Vjosa Osmani (@VjosaOsmaniPRKS) June 2, 2023
Presidentja Osmani është duke qëndruar në Moldavi, ajo dje ka takuar presidentin e Francës, Emmanuel Macron dhe kancelarin e Gjermanisë, Olaf Scholz si dhe ka mbajtur një takim ‘joformal’ me presidentin serb Aleksandar Vuçiq.
Dje nga këto takime është propozuar ideja që në katër komunat veriore, Zveçan, Leposaviq, Zubin Potok e Mitrovicë të Veriut të përsëriten zgjedhjet edhe njëherë.
Këto takime janë mbajtur si përpjekje për të gjetur zgjidhje për situatën e krijuar në veri të vendit, ku që nga e hëna serbët janë duke protestuar për të kundërshtuar idenë që kryetarët e rinjë të ushtrojnë detyrat e tyre nga objektet komunale.
Të hënën protestuesit janë përplasur me forcat e KFOR, ku kanë mbetur të lënduar rreth 30 ushtarë.
SHBA-të dhe BE vazhdimisht kanë kërkuar shtendosje të situatës në veri të Kosovës. Madje SHBA ka përjashtuar ushtrinë e Kosovës nga ushtrimi Defender 23 si pasojë për ‘mosdëgjimin’ që e ka bërë qeveria e Kosovës.
SHBA po kërkojnë nga qeveria që kryetarët e ti të mos ushtrojnë detyrat e tyre nga objektet komunale dhe policia e Kosovës të largohet nga ato ndërtesa.
Për kryeministrin e Kosovës, Albin Kurti kryetarët duhet të ushtrojnë detyrat nga zyrat e tyre, sepse sipas tij Kosovës nuk i duhet sistem paralel.
Borrell: Kemi 3 kërkesa të qarta për Kosovën, mosrealizimi do të ketë pasoja
