Presidentja Vjosa Osmani ka takuar udhëheqësin e Komitetit Ushtarak të NATO-s

Presidentja e Kosovës, Vjosa Osmani, ka takuar sot udhëheqësin e Komitetit Ushtarak të NATO-s, admiralin Rob Bauer.

Në takim presidentja tha se ka theksuar vizionin e qartë të Kosovës për anëtarësim në NATO.

Sipas saj, anëtarësimi i Kosovës në NATO “do t’i kontribuonte jo vetëm paqes e stabilitetit në vendin tonë, por edhe në rajon e më gjerë”.

Gjatë këtij takimi presidentja Osmani gjithashtu thotë se ka shprehur mirënjohjen për angazhimin e forcave të NATO-s në Kosovë ndërsa admirali Bauer është shprehur mirënjohës për pranimin e refugjatëve afganë në Kosovë.

Afro 1,000 afganë të strehuar në Kosovë