Takimi Mbreti Mbreti Charles III me Vjosa Osmani. Foto: Facebook/ Vjosa Osmani.
Presidentja Osmani takohet me mbretin Charles të Mbretërisë së Bashkuar
05.5.2023 - 23:29
Presidentja Vjosa Osmani është takuar sot në Londër me mbretin Charles III të Mbretërisë së Bashkuar dhe Irlandës së Veriut, ku po qëndron me ftesë të monarkut britanik.
Shefja e shtetit ka njoftuar se mbretit Charles ia ka përcjellë urimet më të përzemërta të popullit të Kosovës.
“Sonte në pritjen e organizuar nga Mbreti Charles III i Mbretërisë së Bashkuar, përcolla urimet më të përzemërta të popullit të Kosovës, si dhe kisha mundësinë të bashkëbisedoj me liderë të tjerë për thellimin e raporteve tona me shtete mike anekënd botës”-ka shkruar presidentja Osmani në Facebook.
Presidentja Osmani do të marrë pjesë në ceremoninë zyrtare të kurorëzimit të mbretit Charles III në Westminster Abbey.