Presidentja Vjosa Osmani
Presidentja Osmani në Ditën e Evropës: Jepni fund katër viteve të mohimit të padrejtë të liberalizimit të vizave për Kosovën
Presidentja e Kosovës, Vjosa Osmani në Ditën e Evropës ka bërë thirrje që t’i jepet fund mohimit të padrejtë të lëvizjes së lirë të qytetarëve të vendit në zonën shengen. Ajo ka kërkuar që BE t’i liberalizoj vizat për kosovarët.
“Si shteti më pro-evropian në botë, sot Kosova shënon Ditën e Evropës në mbarë vendin tonë. Ne qëndrojmë të bashkuar me aleatët tanë në këtë kohë sfiduese. Por ne gjithashtu bëjmë thirrje për t’i dhënë fund 4 vite mohimi të padrejtë dhe të papranueshëm të liberalizimit të vizave për Kosovën”, ka shkruar Osmani në rrjetin Twitter.
1 korrik të vitit 2018, Komisioni Evropian konfirmoi se Kosova ka përmbushur të gjitha kriteret për liberalizimin e vizave.
Osmani tutje shtoi se për popullin e Kosovës vlerat evropiane janë mënyrë jetese, derisa në këtë ditë kujton edhe popullin e Ukrainës që po përballen me agresionin rus.
“Për popullin e Kosovës, vlerat evropiane janë më shumë se fjalë, është një mënyrë jetese. Në këtë ditë ne mendojmë edhe për njerëzit e Ukrainës që vazhdojnë të përballen me ferr përballë agresionit të paprovokuar rus. Kosova qëndron fort në anën e një Evrope të lirë dhe në paqe”, shtoi ajo.
As the most pro-European country in the world, today Kosovo marks #EuropeDay across our country.
We stand united with our allies at this challenging time.
But we also call for an end to 4 years of the unjust & unacceptable denying of visa liberalization for 🇽🇰. 1/2
— Vjosa Osmani (@VjosaOsmaniPRKS) May 9, 2022
Kërkesë në adresë të BE-së sot parashtroi edhe kryeministri i vendit, Albin Kurti.
www.kallxo.com