Presidentja Osmani kujton Albrightin: Në orët tonë më të errëta, ajo u bë fanar shprese

Presidentja e Kosovës, Vjosa Osmani, në tre vjetorin e vdekjes së ish-Sekretares amerikane të Shtetit, Madeleine Albright, ka thënë se ajo ka qëndruan me kosovarët kur është dashur më së shumti.

“Në orët tonë më të errëta, ajo u bë fanar shprese, një zë kurajoje, një kampion i lirisë” – ka shkruar Osmani në platformën X.

Trashëgimia e Albright është themeli i Republikës së Kosovës, sipas Osmanit.

“Ecim përpara sot, të udhëhequr nga drita që ajo la pas” – ka thënë tutje Osmani.

We join you in marking the third anniversary of the passing of Secretary Madeleine Albright.

In Kosovo, she stood with us when it mattered most. In our darkest hour, she became a beacon of hope, a voice of courage, a champion of freedom.

Her legacy lives on in the very… https://t.co/d5VDUYNU7s

— Vjosa Osmani (@VjosaOsmaniPRKS) March 23, 2025

Albright ishte figurë qendrore në administratën e ish-presidentit amerikan, Bill Clinton.

Së pari shërbeu si ambasadore e ShBA-së në Kombet e Bashkuara përpara se të bëhej shefe e diplomacisë e Shteteve të Bashkuara.

Ajo ishte në krye të diplomacisë amerikane në kohën e luftës në Kosovë dhe njëra prej përkrahësve më të mëdha të sulmeve ushtarake të NATO-s kundër forcave të Serbisë, të cilat po kryenin masakra kundër popullatës shqiptare të Kosovës.

Në shenjë nderimi për kontributin e saj për çlirimin e Kosovës, në Prishtinë është ngritur busti i saj dhe një shesh mban emrin e saj.

“Jam shumë e nderuar që jam këtu, dhe kur më pyesin se çfarë më bën krenare, unë ju them se Kosova. Unë jam shumë e lumtur që kam një statujë këtu sepse ky vend dhe ky shtet ka shumë kuptim për mua”, kishte thënë Madeleine Albright gjatë zbulimit të bustit në sheshin “Albright” në kryeqytet në 20-vjetorin e çlirimit të Kosovës më 2019.

Ish-presidenti i Kosovës, Hashim Thaçi, e kishte nderuar Madeleine Albrghtin me “Urdhrin e Lirisë“.