Presidenti ukrainas kërkon nga Shqipëria t’i kufizojë turistët rusë
Presidenti i Ukrainës, Volodymyr Zelensky i është drejtuar Kuvendit të Shqipërisë përmes një video-mesazhi.
Ai ka kërkuar nga Shqipëria që të kufizojë turistët rusë.
“Kërkoj t’i kufizoni ardhjet e turistëve rusë, sepse nuk mund ta dimë se kush vjen te ju. Ndoshta vrasësit që kanë qenë në Buça apo xhelatët e Mariupolit”, tha Zelensky, duke folur për krimet ruse në vendin e tij.
Presidenti ukrainas ka falënderuar Shqipërinë për mbështetjen ndaj tyre, në përballjen tash e dy muaj muaj që kanë nga sulmet ruse.
Ai ka përmendur edhe Nënë Terezën.
“Ky qëndrim i juaj ndaj popullit ukrainas më bën të kujtoj Shën Terezën, një shqiptare që është kthyer në simbolin e humanizmit për mbarë botën”, theksoi ai.
Zelensky ka folur edhe rreth mizore të Rusisë mbi vendin e tij.
“Çdo ditë ukrainasit humbasin fëmijë nga sulmet ruse. Ushtria ruse po godet qytet tona dhe nuk kursen alteleritë. Granatimet po vazhdojnë. Qyteti i Mariupolit është shkatërruar në tërësi”, tha ai.
Pas tij, në Kuvend ka folur edhe kryeministri i Shqipërisë, Edi Rama, i cili ka shprehuur përkrahjen dhe respektin për popullin ukrainas.
Rama ka thënë se Ukraina ka mbështetjen e të gjithë shqiptarëve përfshirë edhe të atyre nga Kosova.
Kryeministri shqiptar përmendi edhe luftën e fundit në Kosovë. Historia jonë e afërt kur gjysmë milionë shqiptarë u shpërngulën me dhunën e spastrimit etnik nga trojet e tyre në Kosovë dhe gjetën strehë në Shqipëri na ndihmon sidoqoftë ta ndjejmë nga larg dhimbjen e madhe të Ukrainës”, tha Rama.
Zelensky i drejtohet Kuvendit të Shqipërisë, e falënderon për mbështetjen