Presidenca çeke e BE-së: Të themelohet Asociacioni i komunave me shumicë serbe
Presidenca Çeke e Bashkimit Evropian, u ka bërë thirrje Serbisë dhe përfaqësuesve të serbëve të Kosovës që të kthehen në institucione të Kosovës.
Në një postim në Twitter të Ministrisë së Punëve të Jashtme të Çekisë, Presidenca ka thënë se duhet të themelohet Asociacioni i Komunave me shumicë serbe.
“Presidenca Çeke i bën thirrje Serbisë dhe përfaqësuesve të serbëve të Kosovës që të kthehen në institucione të Kosovës. I bëjmë thirrje dyja palëve të përmbahen nga çdo veprim që mund të çojë në dhunë e konfrontim. Duhet të themelohet Asociacioni i Komunave me shumicë serbe”, shkruan Ministria së Punëve të Jashtme të Çekisë.
#CZPRES calls on Serbia and Kosovo Serb representatives to return to the Kosovo institutions. We call on both sides to refrain from any action that would lead to violence and confrontation. The Association of Serb Majority Municipalities must be established. ⬇️
— Czech MFA (@CzechMFA) November 6, 2022
Zyrtarë të Policisë së Kosovës nga komuniteti serb i kanë zhveshur uniformat dje. Kryetarët e katër komunave me shumicë serbe në veri të Kosovës kanë dhënë dorëheqje nga postet e tyre.
Dorëheqja e tyre është bërë gjate ditës së sotme pak orë para se të nis tubimi i paralajmëruar i Listës Serbe me qytetarët në veri të vendit.
Dorëheqja e kryetarëve të komunave është hapi i radhës qe ndërmorën zyrtarët serb të cilët kishin poste në institucionet e Kosovës.E gjitha kjo pasi Inspektorati Policor i Kosovës ka rekomanduar para tri ditëve suspendimin nga puna të drejtorit të Policisë së Kosovës për rajonin e veriut, Nenad Gjuriq.
Kjo nën dyshimet se Gjuriq po bën thirrje për rezistencë kur tha se policët në veri të Kosovës nuk do të zbatojnë vendimin e Qeverisë për shpërndarjen e fletëqortimeve, për shoferët që kanë automjete me targa të lëshuara nga Serbia.
Qytetarët serb sot u mblodhën në sheshin “Car Llazari” në Mitrovicën e Veriut në shenjë proteste ndaj zhvillimeve të fundit në veri të vendit.
Krejt çka u tha sot në protestën e organizuar në Mitrovicën e Veriut
