Policia: Viktima në oborrin e QKUK-së është një grua rreth 35-vjeçare
30.11.2022 - 19:03
Një grua është vrarë sonte rreth orës 18:00 në oborrin e Klinikës së Gjinekologjisë në QKUK, në Prishtinë.
Pas marrjes së informacioneve, njësitë e Policisë kanë dalë në vendin e ngjarjes.
Ndërsa, sipas Policisë, ekipi mjekësor ka konstatuar vdekjen e viktimës, një grua rreth 35-vjeçare.
“Mbështetur në informacionet e para, dyshimet e ngritura sugjerojnë se bëhet fjalë për vrasje” – ka thënë për KALLXO.com zëdhënësja e Policisë, Florie Ahmeti.
Aktualisht Policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit me qëllim sqarimin e plotë të ngjarjes.
