Ilustrim
Policia u gjeti mbi 30 gramë marihuanë, arrestohen 3 persona
13.3.2023 - 10:09
Tre persona janë arrestuar nga Policia për posedim të substancave narkotike gjatë të dielës në Kllokot dhe në Viti.
Policia ka njoftuar se gjatë kontrollit të tyre dhe në vendbanimet e tyre, u janë gjetur 34.2 gram substancë narkotike e llojit marihuanë.
E njëjta sasi është konfiskuar nga Policia e Kosovës.
Me vendim të prokurorit dy të dyshuar janë dërguar në mbajtje, ndërsa njëri nga ta është liruar në procedurë të rregullt.