Policia tenton të vendos rregull me post-blloqe policore në Prishtinë

Policia e Kosovës ka vendosur disa pika kontrolli në Prishtinë. Policia është duke i ndaluar dhe gjobitur të gjithë ata persona të cilët hasen duke mos i respektuar masat anti- COVID-19.

Ky aksion i Policisë vjen si reagim për zbatimin e masave të ndërmarra nga qeveria e Kosovës për kufizimin e lëvizjes nga ora 23:00 deri në orën 05:00 të mëngjesit.

Siç shihet në pamje që ka siguruar Kallxo.com në disa pika kontrolli ku janë vendosur njësitet e Policisë janë duke u ndaluar veturat dhe kontrolluar nëse qytetarët nuk janë duke i respektuar masat e vendosura nga Qeveria.