Policia shqiptare pas disa orë kërkimesh gjen dy turistet gjermane në Valbonë
15.11.2021 - 23:33
Policia e Shtetit ka njoftuar se u ka dalë në ndihmë dy turisteve nga Gjermania të cilat kishin humbur rrugën në Valbonë.
Nënë e bijë nga Gjermania ishin nisur për të eksploruar Valbonën në drejtim të Thethit.
Policia në Tropojë gjatë mbrëmjës pas disa orë kërkimesh ka gjetur dy turistet në vendin e quajtur ‘Qafa e Valbonës’ në gjendje të mirë shëndetësore.