Foto: Ilustrim
Policia sekuestron një pistoletë në Vushtrri
21.7.2021 - 23:21
Sonte rreth orës 21:00 njësitet policore në Vushtrri kanë sekuestruar një armë zjarri.
Rasti ka ndodhur në rrugën “Ismail Qemali” në Vushtrri, në kohën kur njësia policore po realizonte një operacion kontrolli.
Arma është gjetur te një pasagjer i një veture të kontrolluar.
Përveç pistoletës janë sekuestruar edhe gjashtë fishekë. I dyshuari nuk posedonte leje për armë.
“Lidhur me rastin është intervistuar i dyshuari, ndërsa pas intervistimit me urdhër të prokurorit të rastit i dyshuari është liruar në procedurë të rregullt dhe ndaj tij është iniciuar rast për veprën penale – mbajtje ne pronësi, posedim dhe kontroll të paautorizuar të armëve”, ka thënë zëdhënësi i Policisë për rajonin e Mitrovicës, Avni Zahiti.