Ilustrim
Policia sekuestron një armë në Skenderaj
02.1.2022 - 22:19
Policia e Kosovës ka njoftuar se sonte në orët e mbrëmjes ka sekuestruar një armë.
“Sekuestrimi i armës është realizuar në rrugën ‘Fadil Rrustemi’ në Skenderaj”, thuhet në njoftimin e Policisë.
Arma është gjetur nga Policia brenda veturës së të dyshuarit.
“Është gjetur dhe sekuestruar një armë e llojit Pistoletë me 2 fishek, për të cilën i dyshuari nuk posedonte leje për armë”, shtoi tutje Policia.
Lidhur me rastin është intervistuar i dyshuari, ndërsa pas intervistimit me urdhër të prokurorit të rastit i dyshuari është liruar në procedurë të rregullt.
“Ndaj tij është iniciuar rast për veprën penale ‘Mbajtje ne pronësi, posedim dhe kontroll të paautorizuar të armëve’”, ka thënë Policia.