Spitali i Pejës - Foto: KALLXO.com
Policia po heton vdekjen e një 2 vjeçari në Pejë
20.3.2021 - 10:42
Një fëmijë i moshës rreth 2 vjeçare është dërguar pa shenja jetë në Spitalin e Pejës.
Rastin e vdekjes së tij po e heton policia.
Policia e Kosovës bën të ditur se sipas prindit të tij, fëmija ishte rrezuar në shkallët e shtëpisë.
Rasti ka ndodhur në fshatin Bokshiq të Pejës, të premten rreth orës 21:15.
Sipas Policisë, me vendim të prokurorit, trupi i pa jetë i viktimës dërgohet në Institutin e Mjekësisë Ligjore për obduksion.