Policia në Skenderaj realizon kontrolle në shkolla, sekuestron disa thika
Policia e Kosovës gjatë ditës së sotme kanë vazhduar me masa dhe kontrolle sigurie, të cilat janë zbatuar në tri shkolla të mesme të larta në Skenderaj.
Sipas njoftimit, si rezultat i kontrollimit në posedim te nxënësit e shkollës së mesme profesionale “Qendra e Kompetencës” janë gjetur dhe sekuestruar 5 thika dhe 1 shufër metalike.
“Mbi bazën e vlerësimit dhe rrethanave bëra nga këshillat i prindërve, këshillat e shkollave dhe autoriteteve të arsimit, me qëllim të parandalimit janë zbatuar masa sigurie përmes urdhër- kontrollit në bazë urdhëresës së lëshuar nga Gjykata kompetente me ç’ raste janë kontrolluar nxënësit e tri shkollave të mesme në Skenderaj”, thuhet në kumtesen e Policisë së rajonit të Mitrovicës.
Veprimet policore dhe provat e gjetura materiale i janë paraqitur prokurorit të rastit, ku është sugjeruar që rasti të iniciohet dhe hetohet ne procedurë të rregullt, për veprën penale “Mbajtje në pronësi, posedim i paautorizuar i armës”.
