Policia kufitare në Vërmicë trajnohen për parandalimin e Koronavirusit

Në mbledhjen e Këshilli të Sigurisë në Prizren, është raportuar edhe për trajtimin e Koronavirusit.

Nga Policia e Kosovës, Departamenti për kufi thanë se të gjitha pikat kufitare janë duke u marrë me parandalim e përhapjes së kësaj sëmundje.

“Kemi marrë udhëzime nga Instituti Kombëtar i Shëndetësisë Publike se si të parandalojmë dhe të kontrollojmë personat  e dyshuar që kanë simptoma të këtij virusi”, thanë përfaqësues nga Policia e Kosovës, Departamenti i Doganave.

Në kuadër të kësaj doganierët po trajnohen nga Instituti Kombëtar i Shëndetësisë Publik për trajtimin e këtij fenomeni.

Virusi fillimisht u paraqit në Wuhan dhe më pas u përhap në të shumë vende të botës.

Numri i përgjithshëm në botë i të prekurve me koronavirusin është rreth 44 mijë në të gjithë Kinën, në më shumë se 20 vende.

Të martën Organizata Botërore e Shëndetësisë ka ndërruar emrin e virusit nga Koronavirus në Covid-19.

Sipas Komitetit Ndërkombëtar, Koronavirusi ka prekur dhe ka lënë të vdekur më shumë persona sesa virusi Sars në 2002-2003.

Këshilli Komunal për Siguri sot raporton edhe për çështjen e lypsarëve, dhe trajtimin i qenve endacak.

Këshilli Komunal për Siguri në Bashkësi në Komunën e Prizrenit sot do të raportojë për sigurinë në Komunën e Prizrenit.

Në këtë takim marrin pjesë përfaqësues nga Policia e Kosovës, FSK dhe përfaqësues nga Ministria e Punëve të Brendshme, ku secili pritet të japë sqarime për punën në fushat e tyre përkatëse.

Ky është raporti i parë i Policisë së Prizrenit për vitin 2020, pasi që në këtë qytet brenda një periudhe të shkurtër  ndodhën disa vrasje.