Aparate të lojërave të fatit | Foto: KALLXO.com
Policia konfiskon në Skenderaj aparate të lojërave të fatit
Policia e Kosovës në Skenderaj, ka hasur në rrugën ‘Xhon Buzuku’, në dy lokale ku luheshin lojëra të fatit.
Gjatë ditës së djeshme rreth orës 20:10, njësiti policor ka hasur në një lokal ku disa persona ishin duke luajtur lojëra te fatit.
“Gjatë kontrollit Njësitë policore kanë gjetur dhe konfiskuar: 2 aparate te lojërave te fatit, katër kompjuter, një printer dhe 42 euro metalike”, thuhet në raport.
Kurse rreth orës 20:15, se njësiti policor ka hasur në një lokal ku disa persona ishin duke luajtur lojëra te fatit.
“Gjatë kontrollit njësitë policore kanë gjetur dhe konfiskuar: 2 aparate te lojërave te fatit Kajot dhe Apex”, thuhet në joftimin e policisë.
Për të dyja këto raste është kontaktuar prokurori i shtetit i cili rekomandon që pas intervistimit palët të lirohen në procedurë të rregullt.
Sipas policisë rasti vazhdon të hetohet.