Policia konfiskon 14 armë në Viti, arreston një person

Policia ka bërë të ditur se ka konfiskuar 13 pistoleta dhe një armë të gjatë në Viti.

Për rastin është arrestuar një person me inicialet B.B. (1998).

Sipas Policisë, gjatë bastisjes së shtëpisë dhe në objektet përcjellëse të të dyshuarit, janë konfiskuar: 13  revole të tipit “Zoraki”, një armë e gjatë “Karabinë” e kalibrit 8.57 mm, njëmbëdhjetë fishekë të kalibrit 8.75 mm, tridhjetë fishekë të kalibrit 7.62 mm, një fishek i kalibrit 9mm.

I dyshuari, sipas Policisë, është ndalur në mbajtje për 48 orë dhe ndaj tij do të ngrihet kallëzim penal për veprën penale – armëmbajtje pa leje.