Policia konfirmon arrestimin e një polici të dyshuar për vrasjen e të vëllait
Një person ka mbetur i vrarë në fshatin Gushtericë e Poshtme të Komunës së Graçanicës rreth orës 15:00.
Florie Ahmeti, zëdhënëse e Policisë për rajonin e Prishtinës ka deklaruar se policia ka hasur në trupin e pajetë, pas daljes në vendin e ngjarjes.
“Sot rreth orës 15:00, kemi pranuar informatën për të shtëna me armë zjarri, në fshatin Gushtericë e Poshtme të Graçanicës. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të cilat kanë hasë në një person pa shenja jete”, tha Ahmeti
Sipas saj, vdekjen e viktimës (mashkull) e ka konstatuar ekipi mjekësor në vendngjarje.
Zëdhënësja tutje thekson se personi i dyshuar, zyrtar policor, është arrestuar, derisa Inspektorati Policor kanë nisur hetime për rastin.
“Personi i dyshuar ( zyrtar policor) është arrestuar ndërkohë që aktualisht hetuesit policor në bashkëpunim me IPK-në, kanë nisur një hetim për sqarimin e të gjitha rrethanave që lidhen me rastin”, ka thënë Ahmeti.
Vrasje në fshatin Gushtericë, i dyshuar një polic i Kosovës
