Policia kërkon ndihmë për kapjen e një të dyshuari për vjedhje të rëndë

Policia e Kosovës ka kërkuar ndihmë nga qytetarët për identifikimin e vendndodhjes së një personi, që kërkohet për përfshirje në veprën – vjedhje e rëndë.

Policia ka publikuar një fotografi të të dyshuarit, Shefik Nexhipi, i cili sipas Policisë është shtetas i Maqedonisë së Veriut.

“Njësiti i hetimeve të stacionit të Lipjanit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e vendodhjes së personit që shihet në fotografi” – thuhet në njoftimin e Policisë, më 05.09.2024.

Për çdo informatë që mund të çojë në identifikimin vendodhjes së personit që është i kërkuar, mund të kontaktoni Policinë në numrin e telefonit: 192.