Policia kërkon bashkëpunimin e qytetarëve për lokalizimin e të dyshuarit për lëndim të rëndë trupor
Polica e Kosovës po kërkon bashkëpunimin e qytetarëve për lokalizimin e më pas arrestimin e të dyshuarit Fisnik Qenaj nga fshati Romajë i Prizrenit.
Ai po kërkohet për veprën – lëndim i rëndë trupor.
Policia ka publikuar një fotografi dhe të dhënat e tjera personale të të dyshuarit.
“Lidhur me rastin e iniciuar në Stacionin Policor në Gjakovë “lëndim i rëndë trupor”, Sektori i Hetimeve në kuadër të këtij stacioni, në koordinim me prokurorin e shtetit, kanë ndërmarrë veprime hetimore me ç’rast edhe është identifikuar i dyshuari i lartshënuar. Në lidhje me rastin nuk është arritur të sigurohet prezenca e personit në fjalë. Edhe përkundër angazhimeve të shumta hetimore dhe operative ai ende gjendet në arrati”- thuhet në njoftimin e Policisë.
Policia kërkon nga qytetarët që kushdo që ka informacion për vendndodhjen e të dyshuar lajmërojë Policinë e Kosovës apo stacioni më të afërt policor.
