Policia jep detaje për vrasjen e rëndë në Viti
Policia e Kosovës ka dhënë detaje rreth vrasjes së rëndë që ka ndodhur dje në Viti, rreth orës 11:01.
Sipas Policisë një person u arrestuar pasi dyshohet se ka qëlluar me armë zjarri tre persona të tjerë, të cilët kanë pësuar lëndime trupore.
Njëri prej tyre duke mos u përballuar lëndimeve të marra ka vdekur në Qendrën Klinike Universitare të Kosovës (QKUK).
Sipas Policisë, njësitet relevante kanë dalë në vendin e ngjarjes ndërsa nga i dyshuari janë sekuestruar një pistoletë me 9 copë fishekë dhe një pushkë gjuetie me 14 copë fishekë.
“I dyshuari me vendim të prokurorit është dërguar në mbajtje, ndërsa trupi i pa jetë i viktimës është dërguar në IML për obduksion. Rasti është duke u hetuar, nga njësitet relevante policore”, thuhet në raportin policor.