Policia jep detaje për vdekjen e oficerit të FSK-së
28.12.2020 - 09:58
Policia e Kosovës ka dhënë detaje për rastin e oficerit të FSK-së, i cili dyshohet se ka bërë vetëvrasje.
Sipas raportit ditor të policisë, rreth orës 15:55 njësitë policore e kanë hasur viktimën në Parkun e Arbërisë.
Policia thotë se vdekjen e tij e ka konstatuar mjeku kujdestar dhe se në vendin e ngjarjes kanë dalë të gjitha njësitet përkatëse.
Tutje është bërë e ditur se me urdhër të prokurorit kujdestar, trupi i pa jetë është dërguar në IML për obduksion.
.