Shiriti i Policisë, FOTO-Ilustrim
Policia jep detaje për plagosjen e para dy ditëve në Pejë
06.9.2020 - 13:08
Një person është plagosur si pasojë e disa të shtënave me armë të zjarrit.
Policia ka njoftuar se dy net më parë në rrugën “Fehmi Agani” në Pejë, rreth orës 22:30, është raportuar se sipas disa të shtënave me armë një person është plagosur dhe ishte dërguar në spitalin rajonal për tretman mjekësor.
Sipas mjekëve gjendja e personit është jashtë rrezikut për jetë.
Njësitë relevante policore kanë dalë në vendin e ngjarjes ku e kishin takuar dhe viktimën tjetër mashkull kosovar i cili kishte njoftuar se një predhë e fishekut e kishte goditur veturën e tij.
Nuk raportohet për ndonjë person të dyshuar apo arrestuar.