Policia jep detaje për ortekun në Brezovicë
10.2.2022 - 15:07
Policia e Kosovës deri më tani nuk ka informacione nëse ka persona të lënduar si pasojë e ortekut që ka rënë sot pasdite në Brezovicë.
Kështu ka konfirmuar për KALLXO.com, zëdhënësi i Policisë së Kosovës për rajonin e Ferizajt, Kanun Veseli.
Ai ka shtuar se për rastin janë njoftuar edhe ekipet e FSK-së.
“Në ora 13:10 policia ka pranuar një informacion për një ortek bore në Brezovicë. Nuk kemi informata për të lënduar, ekipet e policisë janë atje, njëkohësisht janë njoftuar edhe FSK, ekipet e tyre të kërkim shpëtimit”, ka thënë Veseli për KALLXO.com.
