Policia jep detaje për grabitjen e automjetit që po transportonte para
19.11.2021 - 10:40
Katër persona të panjohur dyshohet se duke përdorur armë zjarri kanë grabitur një shumë parash dhe dy armë zjarri pronë e një kompanie të sigurimit mbrëmë në fshatin Parallovë në Gjilan.
Sipas njoftimit të Policisë personat e dyshuar kanë përdorur armë zjarri të llojit AK/47 dhe pas grabitjes janë larguar në drejtim të panjohur.
“Të dyshuarit më pas i kanë vënë zjarrin veturës të tyre e llojit Opel Zafira. Njëra armë është gjetur 20 metra larg vendit të ngjarjes”, thuhet në njoftimin e Policisë.
Policia ka njoftuar se nuk është raportuar për të lënduar, ndërsa rasti vazhdon të hetohet në mënyrë intensive nga njësitet relevante të PK-së.