Policia jep detaje për aksionin në 'Call center'

Policia e Kosovës ka njoftuar se edhe dje kanë vazhduar me aksionin për call center në rajonin e Prishtinës dhe Ferizajt.

Sipas raportit policor, në lidhje me rastin është raportuar se me 07.04.2021  janë kontrolluar katër lokacione të ndryshme, ndërsa në total (nga dita e operimit deri më sot) janë kontrolluar gjithsej 21 lokacione të ndryshme dhe janë sekuestruar si prova materiale: 9 vetura të ndryshme, 1,690,050.00 € kesh para, dhe 697,471.87 € janë ngrirë nëpër banka.

Aksioni ka filluar që nga 31 marsi 2021, dhe rasti po vazhdon të hetohet.

KALLXO.com ka siguruar dosjen në të cilën zbardhen detajet e skemës së organizuar, ku Prokuroria pretendon se punëtorët e kompanive të ndryshme, kanë mashtruar qytetarë gjerman, e që shuma monetare shkon deri në 4 milionë euro.

Sipas, dosjes së Prokurorisë 18 të arrestuarit, duke i kontaktuar nëpërmjet telefonit individët e interesuar në Gjermani, duke i mashtruar e njëkohësisht, duke i vënë në lajthitje me premtimet se do t’i siguronin të njëjtëve fitime të mëdha.