Policia jep detaje për aksidentin në Vragoli
26.12.2022 - 20:06
KALLXO.com raportoi para disa minutash se një aksident trafiku ka ndodhur para disa minutash në Vragoli, përkatësish në magjistralen Prishtinë – Pejë.
Rastin për KALLXO.com e ka konfirmuar zëdhënësi i Policisë së Kosovës, Bajram Krasniqi.
Sipas zyrtarit policor, në aksident janë përfshirë tri automjete.
“Rreth orës 19:35 policia është njoftuar për një aksident trafiku në rrugën nacionale Prishtinë-Pejë (fshati Vragoli). Në aksident janë përfshirë tri automjete. Aksidenti është me dëme materiale, nuk ka persona të lënduar” – ka deklaruar Krasniqi.
